اوكي هالمره موعن راسي
بس هذا مايعني ان المشكله راحت لا ليلحين و اليوم احس اني بلعت ماي بعد
المهم ليش مايسوون مشروع ان اول كل ممشى يحطون مبني
يصير فيه لوكرز و قسم حق الي بياخذ شاور
نفس النادي بالضبظ
يعني بدال لا الواحد يرد البيت يبدل و يروح الممشى
بعدين يتوهق بالسويج خصوصا اذا كانت المداليه كبيره
و يخلص يركب السياره و يخاف يبطل التكيف بس حر موت
يفتح الدرايش يلفحه هوا او تطير الشيله او اي شي
و يرد البيت ياخذ شاور و يبدل مره ثانيه و يرد يطلع
بالمبنى راح يختصرون كل شي
الي خلاني افكر بهالشغله شيين
اليوم كنت رايحه الممشى
اول ماوقفت على مااستوعب شاخذ و شسوي لفت نظري شي غريب جدامي
واحد لابس دشداشه بس رافعها لي خصره و تريننج
شوي ولا يطلع عزكم الله نعال من السياره و يفصخ جوتيه و يلبسها
شوي ولا يفصخ البنطرون ويبلس مكسر لووول
اوكي لحد يسألني ليش خزيتيه صج مادري ليش
وثاني شي لما مشيت خلصت طلعلي مشوار فجأه و قريب من الممشى حيل
بس اضطريت اني ارد البيت و على مارديت طلعت الا طايفه ساعتين
و انا بالطريج قعدت افكر صج ليش مايسولنا هالمبنى
نحط اغراضنا باللوكر نمشي نرد ناخذ الهدوم منها انتسبح نلبس نطلع
1 comment:
walla 5osh fekra e9adgeen
mashalla 3laich :p
Post a Comment