Saturday, February 16, 2008

بتحلطم


شنو هذا من كثر الاشياء الي بتحلطم عنها نسيت كل شي ;p


اول شي الجامعه


اللعانه شلون صايره ياالفهييد بالله هذا مدير جامعه تحطوونه هذا كفو قراراته ماتصب للطالب بنقطة الفايده شال القراءات بس حق اخر كورس و حط ال 30 دقيقه بالله ماتقولي لي صار تخصصي بكيفان و المساند بشويخ اشبسوي لو كلياتك مثل الناس مقسمينهم عدل جان سكتنا انزين خل القرارات ساعد طلبتك مره كان عندي ميداني صحافه رحنا بنسوي مقابله معاه قالتلنا السكرتيره تعالو عقب اسبوعين و اخاااف كوندليزا الفهييد و انا ماادري

وخلص من الطلبه لف على الدكاتره بعد غلط عليهم و الحبيب منزل قرار يديد تخفيض عدد الخريجين يعني تطحيسهم بالكليه و مايساعدوون الي عندهم انذارات و تقليص عدد الشعب عشاان نساعد الخريجين السابقين بأنهم يلقوون وظاايف ياحنيييين انت

و تسجيل الخريجين لو انا اخونجيه و ملفعي تحت ركبي جان حتى ماييت التسجيل سجلتولي و انا خامده بالبيت و اشكره تسجل الي تبيه و الي ماتبيه تقول مااقدر ادخلج مايصيير

و في شي انا ملاحظته مادري اذا انتو لحقتو عليه ولا لا

هابيين هبه يتزوجوون بعض يعني فلان اخونجي بالحقوق اخذ فلانه الي بالادااب اي خلف الله علينا يتكاثرووون



انزين بس انغثيت من الجامعه نيي حق هلا فبراير


المفروض يسمونه هلا سعوديه ولا هلا فوضه و لا تدرووون المفروض يسمونه هلاقه


شنو هذا امس باليل مريت شارع سالم المبارك جنه جذي اسمه ولا ششوف

لالا والله مصر و تايلند انظف بوايد من جذي قراطيس اكل اعلااام علب فوم =\

الحين داام بعض مو كل الي يايين وصخييين يمشون و قطون ليش بطلتو الشارع

ماتعرفون تقطون 20 هندي من هالي يحوسوون عند الاشارات تقولون لهم يالله خموو وبعدين فتحو الشارع

لا والحبيب الشرطي يكون ينظم الشارع ودايس على علم الكويت

قلت بنحاش من هالمنظر الي اييب المرض اروح اتمشى شوي على البحر و انا راده البيت ولا مسيره o.O

خير بعد ليكون رحلو بعد موعد فبراير يسوونها سباحنا المغوار وربعه المهم بالطريج و انا يم مرينا ولا في لبنانيه واقفه بنص الشارع و تقول لااا عييب يحصل هيييك بالكويييت شفت ولا الشباب مومخلينها تمشي بالشارع مسكرين عليها قلت بقلبي قلعتج

قاعدتلي بالسياره اهيا و تارستها بنات من 17 و فوق و لابسين كوكتييل و شعر شنو هذا لاهو سلكنا ولا شي

تستاهليين

وبعدين نص السيارات رافعين علم سوريا و الاردن عفوا نعم اشتبوون بعد لو كنتو معانا بالغزو جان سكتنا

الله ياخذهم اول ناس وقفو مع صدامو غبرو على قولة امي و رافعين اعلامكم عندنا لكن الشرهه موعليكم الشرهه على الشرطي الثووور الي واقف يتطمش وساكت وين القنانون الي طلعتووه الي يرفع علم غير علم الكويت القديم و اليديد يتخالف

ولا بس علينا احنا على عيال الديره تطبقون قوانينكم

وحفلات هلا فبراير قالولي عن التذاكر اشدعوووووووووووه

يبدون اب 70 لا و اول 4 اسطر تيكن حق ربعهم

ياجماعه بالعقل سيلين ديوون الي اهي سلين ديوون اول سطر اب 79 لا و اقرب من اهني متر ونص اهني بينك و بين المطرب تشوفه بروتانا اقرب

و تخيلو ادفع 70 دينار عشان اشوف بشار اهم شي


اييي نسيت لحظه اشهالافتتاح


صج لي قالو شوف وجه العنز و احلب لبن من شاف افتتاحكم عرف شنو مهرجانكم

حاطينلي هندي شايل حيه و مصري ماسك دف ويقولون كرنفال ياجماعه حللو فلوسكم الي تاخذونها بسكم لف بسكم مافاضت مخابيكم


انا من زمااااااااااااان قايله حق رفيجاتي و عيال خالتي انا ابي سياره نفس مالت الجيش الي فوقها رشاااش



سامحوني اذا في بدليات لان مالي خلق اقراه مره ثانيه انغث بعد



12 comments:

Manal said...

مساج الله بالخير اخيتي

الطالبة المجتهدة

ما عليه

مافي قرار لصالحنا احنا الطلبة
لا داخل الكويت ولا خارجها

وقللي التحلطم الله يخليج

:)

هذا البوست الثاني اتوقع تتحلطمين فيه

:)

وخفي حنة

بس ما قلتي
شريتي سيارة بعد حنتج ولا لا؟؟؟

وهلا فبراير شنو فيه غير الازدحام والمغازل وتفصخ البنات
وتخزز الشباب

هالايام يبون يصيرون اجانب
عاللبس الي ما يلبسونة بنات برة الا السبت والجمعة بالليل

على العموم
وكأني انعديت وبديت اتحلطم

:)


الله يوفقج امورة
ويسهل عليج



موفقين

Eng_Q8 said...

صيري اخونجيه :p


لو شاسف هالشرطي الي دايس على علم الكويت جان ذبحته

تحلطمي يبا تحلطمي مالنا غير التحلطم

حتى منال تحلطمت :)

وانتي مو ذابحج الا سيلين ديون :p

darkness said...

ويه!!؟؟

للحين ماسحيم التسجيل Penguins

و للحين على حركاتهم البايخه؟؟

الله يعينج

تحلطمي طلعي اللي بقلبج

honey said...

لوووووووووووووووووووووووووووووووووووووووووووووووووووووووووووووووووووووووووووووووول

ليش احس أنا اللي كاتبة الموضوع

أنا اليوم طالعة ولا عالبحر مسيرة خفيفة شنو هذول شمسيرته اللحين باقي على العيد الوطني 10 أيام شالداهية

هلا فبراير ولا مرة رحت حفلاته مادري ليش أروح من شاف المسرح و توزيع الكراسي ناس بالنص و ناس بالأطراف إطل بحضنهم

وبعدين هالجامعة مالت عالعدو مواد بنات و مواد بس شباب بروحة الواد اللي نازلة بالحسرة بعد إقولون لا نسجلون شباب

ومهرجان هلا فبراير أتوقع لو أسوي واح بمصروفي راح إصير أحلة

شكرا عالبوست بردتي جبدي

ملاحظة : سوريا من اول الدول اللي وقفت مع الكويت بالغزو

strawberry said...

looooooooooooool
fdetch wentay tt7al6men

hatha mo hala feb hatha (hala we3)
o0 ezd7am o0 loya o0 shabab o0 banat o0 rag9 3ayal shno 5alaw 7ag 25 o 26 feb?
ama etha 3an showar3na weln`9afa elzayda ;p mo shay yded wala chena dera mt7a`9ra wet3arf eln`9afa wala shay

weljam3a b9ara7a no comment

Barrak said...

من بعد الغزو ماحطوا مدير جامعه سنع

فتى الجبل said...

الفهيد من يوم كان عميد الشؤون الطلابية بالتجارة واهوا لعين

marshmallows said...

manalq8
اذا قللت التحلطم اموت
لا ماشريت ناطره الاوردر على 2009 ;p


eng_q8
اعووذ بالله
اي بتحلطم بس في ناس يزفوون لما اتحلطم ;p
اي والله تخيل اروح الحفله و اقعد اول شي و لا اوصل سعر حفلة هلا فبرير الي اب 150


darkness
لي بااجر =(

shahad
سكتي بس انا شكلي بنسف بالمسيرات خصوصا الي على الخليج
وحفلات هلا فبراير شوفيها بالتلفزيون و اهداء مني لج اغنية رويشد يافراقها =p

الجامعه الله كرييييم

يالله مصروفي و مصروفج و نصك على مهرجان دبي

مانرضى شعب يرفع علمه بديره انحرقت اعلامها عندهم

marshmallows said...

strawberry
اتصدقين انتي اول وحده تفداني وانا اتحلطم كلهم بيكفخوني ;p
قايلتلج اسمه هلاقه

Barrak
ولا راح يحطوون

فتى الجبل
اصلا ويه و ملامحه تقول انا نحيس انا لعين

5roofa said...

لوووووووووووووووووووول

انتيي اسلوووبج رووووووعة

امبيي والاه زوغه تهبلين

موتيني من الضحك

الله يخليج انا يومها في البيت نايمة
ماكو شغل احرق قلبي و اشوف المهزلة بره

لوول يامعودة نطري تره بعد الحين اسبوع اجازة قيامة بتصير

تصدقين اليوم بالمدرسة حسيت بالعيد الوطني
شفت البنات حاطين اغنيه عبدالله رويشد عن الكويت و يرقصون باعلام الكويت و النفانيف يدربون حق الحفله و حدي كيفت عليهم

حسيت صج هذا عيد وطني بريء و كله حب

الجامعة

ويييييييييييييع تدرين قاعده افكر اكمل ابوي يقولي كملي بالكويت
قتله اكمل بالفلبين ولا اهني

منصجج انا علما تخرجت مت ولا هذا انا تربيه يعني الكلية السهله عشتوو

قوانين و اشياء ارف
وعلى الملافع الي لي الركب اييييييييييي والله صج صج صج قهر

بس صدقيني حذفي هذا و استانسي بايم الجامعة و الوناسة و لمة الرفيجات و الباجي عطيهم طااااااااااف

موفقه يالغاليه

salamz sweetee...

J Daily said...

سالفة الشارع صارت بالسنة الي طافت بعد
-
سالفة الشرطي إلي يدوس عالعلم عادي
ومايخالف إلي يشيلون اعلان مو كويتية لان عادي
طلعوا هالقانون عشان مايرفعون علم حزب الله نفس ماصارت قبل فترة

والمهرجان بغيت اروح اقعد بستاربكس فوق ومعاي كامرتي واصور واحط الصور بوقتها ولكن الغبره خلتني اكنسل

ايي ادفع 70 على بشار؟
لو احصل تذكره بلاش ما ادخل
اخذ التذكره وابيعها عند الباب (:
--
و لو ام كلثوم تطلع من القبر وتسوي حفله افكر اروح (:

ووخوش تحلطم

kella met2a5er said...

7safa 3aleich ya elkuwait wullah!!

A7la shy elshor6y elly dayes 3ala el3alam..chan 9awwarteeh.

hala so3oodeyya Rocksm, LMAO ;p

Wullah post yebarid elgalb, o y7er in the same time!!