new vs old

ماادري منو الصح احنا ولا هما ؟

سؤال كلا اقوله اذا شفت اليهال الحين كل شي تغير يعني ايامنا قبل كل شي يونسنا مثل اذا قالو لنا اهلنا بنروح المدينة الترفيهيه اوووو نعيد نقعد نحسب اشكثر باقي على الاسبوع عشان نروح لوووول و نص الصف يدري ان احنا بنروح و الحين اذا قلنا لهم يقولون افف لا هيلق ولا حر ولا مانبي نروح بنقعد نلعب بلي ستيشن

واول يوم العيد العصر او ثاني يوم لازم نروح شرق الالعاب مو سوق شرق ولازم كل عيد نشتري قااري و العااب الحين طبعا مايبون جذي

و قبل لازم يوم اليمعه عقب صلاة المغرب سبوح جماعي كلنا يسبحونا حق المدرسه و عقب صلاة العشا انتعشا و ننام الحين احنا ننام و اهما ليلحين قاعدين مانامو

الموبايلات ماخذيناهم الا على رابعه متوسط اولى ثانوي الحين ياهل مايوصل ايدي بالابتدائي عنده موبايل لا و كشخه بعد

قبل بالبر اي شي نلعب فيه كوره لوول حتى لو مفشوشه عاادي قوااري و الطياره النايلون الي لازم انطيرها حدها بعدين اتعقد و نقطها مستحيل نستخدمها مرتين الحين اذا مافي بجي بالبر مايروحون واذا قلنا لهم سوقو قواري خزونا باستحقار

و الفلوس اذا عطونا دينار ولا ربع عادي مانقول شي نسكت الحين اذا عطيناهم 5 دنانير عصبو يبون اكثر

قبل نرضى بأي شي و نادر مانعايير اهلنا و اذا خزونا بس فهمنا و انجعمنا و درينا ان ورا هالخزه زفه الحين اهما الي صارو يخزون مو الاهل و اهما الي صارو يصرخون على الاهل

قبل باليمعه نلعب اونو ولا مونوبولي و الوان شيطان و لعبة الخطوات و الفراشه الحين بلي ستيشن و يدزون رنات حق بعض و كروت بوكيمون

قبل بباياتنا كانت تونس سالي و الوميض الازرق و ليدي و طمطوم و ماروكو و فلونه الحين بوكيمون ابطال الديجيتال و اشياء تخرع الصراحه

قبل اذا لعبنا بالاتاري نلعب بالسيرك الي ينط على الكور و على طوق من نار و لا البطريق الي نكسر الثلج و نوصله لما النسر الي فوق انتعلق فيه و تطورنا لما كراش الحين كله جرايم و ذبح و طقني و اطقك

ومادري منو الصح احنا ولا اهما