ياربي ودي امدح شي واحد قاعد يصير الحين بالكويت ماكو حتى الجو الله يهداه مو راضي يبرد المهم
الكويتيه وماادراك ماالكويتيه ترى اقصد الخطوط مو احنا
الصراحه الحين مستحيل اسافر عليها لا خدمه سنعه ولا كراسي ولا شي
بأخر سفره لنا ركبنا 5 طيارات 3 منهم الكوانتز الاستراليه خدمتهم تونس و الكراسي مريحه كفايه انهم يعطونا برد =p
صج انه لزق بلساني بس ميخالف و قبل الميل يوزعون تفاح اخضر و احمر مو احنا يعطون مكسرات الرفاعي و نصه محزر بعد
و الخدمه مشالله هالمضيفات زين مايعطونك طراق و يقولون لك اقعد
ماكو درجه اولى سياحيه رجال اعمال ماكو كله نفس الشي
و الصراحه بالمرتين الي ركبت فيهم الكويتيه هالسفره عرفت انها صج خلاص انتهت صلاحيتها
تخيلو ان الطياره قاعده تخر ماي من فوق شوفو بالصوره ناديت المضيف حط لنا كلينكس لو ادري جان يايبه شمسيتي معاي
و بالرده الكرسي ظهره مكسور يرجع شوي لي وبره هذا غير السبرينج الي احس فيه بظهري و لما بغت تنزل الطياره تيلي المضيفه تقولي دري الكرسي مكانه قلت لها مكسور اهوا بروحه يرجع
اتوقعون شنو ردت علي
قالت اوكي خليه جذي و لا اتسندين @@
هذي شقولها بالله
لا بعد مره تأخرت طيارتنا ساعه لما يابو طياره بدالها قالو لنا يالله ركبو قعدو اي مكان بااص باااااص مو طياره
يالله متى يخصخصونها و اتغير شويه
5 comments:
مدونه رائعه وراح اكون متابع لها انشالله
وبالنسبه للكويتيه شقول شخلي
بس في سالفه عبيطه مره كنت مسافر فيها للاسف .. الحي ابي اطالع تلفزيون حرام الواحد يطالع تلفزيون صج ماكو قنوات بس العوض والا القطيعه
انزين الحين ابي اسمع والا قاعد اسمع اغنيه والي يمي مسرحيه والي بالطرف يسمع ماادري شنو
تخيلي وياي ادري بتظيعين ميخالف
الحين 3 كراسي حلو الكرسي الي على اليسار السماعه مالته تشغل تلفزيون الي عل اليمين والي على اليمين يشغل تلفزيون الي بالنص والي بالنص يشغل تلفزيون الي على اليمين
شرباااكه ومااكتشفن اللغز الا لما وصلنا القاهره مالت على الطيران ومالت على القاهره زين سفره مليقه من اولها
سوري على الاطاله بس فتقتي جروحي :))
لووووووووووووووووووووووووووول اهم شي صج صج ضحكتني ماادري لي متى بيتمون جذي
ومشكور تسلم على الكلام الي اول شي =)
لين تحج البقر على قرونها او لين ينوي واحد من الي يبونهم ويقول ابيها :))
عفوا الله يسلمج يبا
لول، مادري شقول الصراحة انفشششششل بس الكويتية خلاص محد يسافر عليها.. الحين اسافر على اي شي الا الكويتية!
smarties ee walla ana al7een aro7 elsilanya wla aro7 3leha
Post a Comment